Openshot ເປັນໂປຣແກຣມຕັດຕໍ່ວິດີໂອສຳລັບຟຣີບໍ່ເສຍຄ່າໃດໆທັງສິ້ນເລີຍ ເໝາະແກ່ຜູ້ທີ່ມັກໃນການຕັດຕໍ່ແຕ່ປະສົບບັນຫາງົບໜ້ອຍບໍ່ສາມາດຊື້ໂປຣແກຣມລາຄາແພງໆ. ໂປຣແກຣມທີ່ເຮົາເຄີຍໃຊ້ຢ່າງເຊັ່ນ Youtube Video Editor ທີ່ຕັດຕໍ່ອອນລາຍເທິງຍູທູບ ຟຣີກໍ່ປິດໃຊ້ງານ ແລະ Windows Movies Maker ກໍ່ປິດແຫຼ່ງການດາວໂຫລດຕໍ່ໄປແລ້ວ.
Openshot ແມ່ນໂປແກຼມຕັດຕໍ່ວິດີໂອແບບ Opensource ທີ່ຖືກອອກແບບຄ້າຍກັບ Corel Videostudio ໃຊ້ງານຟຣີໂດຍບໍ່ເສຍຄ່າ. ແລະສາມາດ Render ໄຟລ໌ໄດ້ເຖິງ 4K ແລະ 60Fps ກໍ່ໄດ້ຮັບການສະໜັບສະໜູນ. ສາມາດຕັດຕໍ່ວິດີໂອ, ໃສ່ສຽງ ແລະ Transition ປ່ຽນພາບໄດ້ຫຼາຍໆແບບອີກຕື່ມ.
ນອກຈາກນັ້ນຍັງຮອງຮັບໄຟລ໌ 3D ANIMATION ທີ່ສ້າງຈາກໂປຣແກຣມ Blender ມາໃຊ້ຮ່ວມກັນໄດ້ ແລະ ໂປຣແກຣມນີ້ຍັງໃຊ້ໄດ້ທັງ WINDOWS , MAC OS ແລະ LINUX ໂຫຼດຟຣີຕະຫຼອດຊີບ, ບໍ່ເສຍຄ່າລາຍເດືອນ. ແນະນຳໂປຣແກຣມ Blender ສຳລັບສ້າງ 3D ANIMATION ແລະ EFFECT ດີໆ ເຊິ່ງບໍ່ເສຍຄ່າໃຊ້ຈ່າຍໃດໆ ແລະສາມາດໃຊ້ໄດ້ຕະຫຼອດການເຊັ່ນກັນ.
▶ ສາມາດດາວໂຫຼດໄດ້ທີ່ນີ້: www.openshot.org
No comments:
Post a Comment